VOV4.Mnông- Thủ tướng mhe Nhật BảnKishida Fumio n’hanh Thủ tướng Anh Boris Johnson mhe geh rơh tâm nchră ma điện thoại, tâm ban ŭch mpeh ăp nău tâm ton yor du Ấn Độ Đương -Thái Bình Dương đăp mpăn n’hanh ueh lăng. Aơ lah rơh tâm nchră bôk năp đah bar hê nuĭh leo kan kơp bâh ntơm wa Kishida dơn nău kan ƀư Thủ tướng Nhật Bản rnôk pơh ba năp. Nuĭh leo kan Nhật Bản Kishida mpơl nău ŭch tâm let năp tay bar ding mbra n’hao lhăt ueh tay nău tâm boh kan đah bar ding, ntơ Anh n’hanh Nhật Bản lah ăp dak kan ndrel lĕ rngôch lam ntur neh”. Bar ding lĕ tâm ban ŭch, tâm kơl rnă njrăng n’hanh mât rnă njrăng ngih dak bar ding hăn tâm nău ngăn tâm âk năm dăch aơ. Bar ding uănh năl mbra ơm geh tâm ton geh gĭt dăch đah Nhật Bản n’hanh Anh, nău ntrŭnh leo ƀư ăp rơh nti kan nsum đah mpôl kan mât rnă njrăng Nhật Bản n’hanh tahen Anh.

Nuĭh rblang:Thị Đoắt