VOV4.M'nông: Ôi 7/6, Thủ tướng Chính phủ Phạm Minh Chính pah kan đah kruanh rđău kan ăp n'gâng kan, ăp nuĭh khoa học, ntơh măt ăp viện gŭ mĭn, ăp nuĭh ƀư njêng vaccine mpeh gŭ mĭn, ƀư njêng vaccine njrăng n'gang COVID-19. Ntơh măt Bộ Y tế hŏ mbơh Thủ tướng mpeh nău dơi gŭ mĭn kơt dŏng khoa học công nghệ bah n'gâng kan dak si rhŏ dŏng njrăng, n'gang COVID-19 tâm bah ri aơ nơh.

Tâm nê, gŭ mĭn ƀư njêng âk bộ kít nchroh lor, kít dăng chŏl ndơ̆ Việt Nam jêng 1 tâm 5 dak ƀư njêng geh nău dơi ntil kít dja. Trong uănh năl mham RT-PCR bôk năp an saơ geh nău tam uĕh, nklăp mbra ơm an n'gluh dŏng tâm let năp tay. Tât aƀaơ, lam dak geh 2 ntŭk ƀư njêng dôl gŭ mĭn vaccine njrăng n'gang COVID-19 lah vaccine Nanocovax bah Công ty Cổ phần Công nghệ sinh học Dược Nanogen n'hanh vaccine COVIVAC bah Viện Vắc xin n'hanh sinh phẩm Nha Trang. Lah ta rơh  pah kan, Thủ tướng Phạm Minh Chính, nău tât dơi vaccine njrăng n'gang COVID-19 mô dơh, lơn lah tâm rnôk nuh srê ntưp rêng âk tâm lam ntŭr neh, nău dơi ƀư njêng vaccine geh nar ton. Thủ tướng đă ăp nuĭh ntơh măt tâm ôp, nchroh nău dơi, tơm ndơ, dăn đă, nău kan tâm ƀư njêng, mât prăp, leo ƀư chuh vaccine mhâm ƀư an geh nău tam./.

Nuĭh rblang: Điểu Thân