VOV4.M’nông: Jêh râng r[u\n ntuh kơl bah n’gorr Lạng Sơn, kêng măng 30/9, Thủ tướng Nguyễn Xuân Phúc pah kan đah rđau kan tơm bah n’gor Lạng Sơn mpeh nau kan văng sa-rêh jêng. Ta nar pah kan, Thủ tướng ho\ rgop nau gay rklaih du đê| nau đă bah n’gor, tâm nê geh nau kan [ư ân jêh ngih vâl gung trong.

Gay ndâk ân jêng ăp trong tă bah Chi Lăng tât Hữu Nghị, Thủ tướng jao ân N’gâng kan Nchrăp kan ndrel Ntuh kơl mi\n njêng ăp nau kan gay ơm mbơh Thủ tướng ntru\nh. Đah nau kan đă nau kah mhe, bah năp măt ndâk 4 trong ndreh hăn tă bah Chi Lăng tât Hữu Nghị dah 2 trong ndeh, yơn mra rklaih ntrơn ân nkra trong ân geh 4 trong ndeh gay ntuh kơl ba kơi, nau kan aơ mra n’huch rnoh ntuh kơl hôm nklăp 5000 rmen.

Thủ tướng ko\ đă n’gor Lạng Sơn ân nsôih mât ân ueh ăp mpông trong đah Trung Quốc, pơk trong nơih ân ndoh ndơ bah bar dak geh tăch rgala ueh ngăn, gay ntru\t dăng nau kan tăch rgâl bah Việt Nam tât Trung Quốc. Yơn lah, ăp rmôt kan n’gâng kan ko\ ân geh n’hao nau kan mêt uănh gay rdâng nau tăch rgâl rlăm tu tơm ndoh ndơ ndrel rdâng nau nchuăn rdeng, tăch rgâl mô ueh nâp gay ma der ndơ\ soay./.

Nu\ih rblang: H’Thi