VOV4.M’nông: Thủ tướng Pakistan hŏ hăn trong tât khâl Saudi Arabia tâm 3 nar gay ntrôl dăng tâm boh wăng sa. Tâm rnôk hăn khâl, 2 dak nchrăp mbra kí ton tâm boh mhe gay n'hao dăng tâm rgop wăng sa, tăch rgâl, Saudi Arabia hŏ an Pakistan manh 6 rmen đôlar năm 2018 rnôk n'gâng kan bah Thủ tướng Im-ran Khan hao mât bôk yơn kơp ntơm bah nê tâm boh đah 2 ding way geh rgoh n'gơ. Bar dak hŏ geh lịch sử jŏ jong mpeh tâm boh, tâm nê Saudi Arabia lah dak pă an tơm dak pring khlay bah Pakistan. Tâm rnôk hăn khâl, rlău ma ăp rơh mâp đah ƀan kruanh rđău kan Saudi Arabia, Thủ tướng Pakistan mbra geh rơh mâp đah nuĭh hăn pah kan Pakistan ta Saudi Arabia đŏng. Hăn khâl bah Thủ tướng Pakistan ƀư bar pe nar lôch rnôk păng rgum sĭt đại sứ ta Saudi Arabia sĭt dak lôch ăp nău lah bah nuĭh hăn pah kan Pakistan mĭn lah đại sứ quán hŏ lơh mbram khân păng./.

Nuĭh rblang: Điểu Thân