VOV4.M’nông: Kêng măng 24/5, ta ntŭk kan Chính phủ, Thủ tướng Phạm Minh Chính ƀư tơm nar rƀŭn đah Rnâng kan Chính phủ mpeh nau kan njrăng rdâng srê Covid-19. Ntoh nau ta nar rƀŭn, Thủ tướng lah rjăp, pơh rlau aơ nau geh bah srê hôm ntưp rêng âk tâm lam ntŭk, ngăn lah tâm ăp ntŭk pah kan công nghiệp. Chính phủ, Thủ tướng, Rnâng kan rđau nau kan neh dak mpeh nau njrăng rdâng srê Covid-19 hŏ ntrŭnh rjăp, geh ăp gưl n’gâng uỷ, n’gâng kan ndrel ƀon lan lăp kan rjăp, dah nau nsôih ntrŭt dăng srê ji.

Thủ tướng Phạm Minh Chính ƀư tơm nar rƀŭn đah Rnâng kan Chính phủ mpeh nau kan njrăng rdâng srê Covid-19

  Thủ tướng lah rjăp, nau kan njrăng, rdâng srê Covid-19 geh nkân rjăp hŏ rgop nau ƀư dơm nau săch kan ntơh măt Quốc hội gưl XV ndrel ntơh măt HĐND ăp gưl năm kan 2021-2026. Thủ tướng đă, ân geh têm nkrem nau dŏng mô lăng khlay gay ma rgum ân vắc xin, rgum tơm prăk tậm di, ndâk njêng ân âk vắc xin. Ăp cán bộ, ntŭk kan Trung ương ân geh nau đă ndâk tơm prăk têm vắc xin tâm nuih n’hâm rgum n’hâm lam ƀon lan, bah ntŭk kan, mrôt kan, nkuăl, bah êng săk nŭih, nŭih geh nuih n’hâm lŏng tâm nau mbơh kloh, tâm di mpeh nau rgop ndrel ma leo dŏng./.

Nŭih rblang: H’Thi