VOV4.Mnông – Ta Nău mbơh n’glôn jêh bah Thủ tướng Chính phủ Phạm Minh Chính ta nar mâp măt đah ăp nuĭh khoa học ăp ntŭk kan doanh nghiệp mĭn njêng, nkra njêng vaccine njrăng n’gang Covid-19, Thủ tướng đă rgum dôh rklaih ngăch ăp jêr jŏt, wăk kol mpeh pháp lý, trong ƀư, nău kơl tĭng nuih n’hâm tĭng na nê̆, nta nơih ngăn an nău mĭn njêng, jao an công nghệ n’hanh nkra njêng vaccine. Thủ tướng Phạm Minh chính đă mpeh nău wât an tâm ban ŭch vaccine geh nău ntrŭnh, trong kan, jŏ jong njrăng n’gang srê lah nsum n’hanh tâm njrăng n’gang srê Covid-19 lah êng, nkre an gĭt tâm nău kan nkra njêng, jao an công nghệ, n’hanh nkra njêng vaccine gay nkre njrăng n’gang srê nkre ntêm nkrem tơm prăk ngih dak lor bôk năp n’hanh jŏ jong. Mpeh nău kan, trong mkra tâm nar tât, lĕ rngôch an mĭn njêng, jao an công nghệ vaccine, lơn lah vaccine njrăng n’gang Covid-19.

Nuĭh rblang: Y Sưng Phê Ja