VOV4.M'nông: Nar ntri (4/6), ta nhih pah kan Chính phủ, Thủ tướng Chính phủ Phạm Minh Chính hŏ kuăl điện tâm nchră đah Thủ tướng Quốc vụ viện dak Cộng hòa nhân dân Trung Hoa Lý Khắc Cường. Ta rơh kuăl điện, bar Thủ tướng hŏ tâm ôp mpeh âk nkô̆ nău ngăn ngăn rgop rdâk tay, n'hao dăng nău nsing nơm chính trị; tâm pă ăp nău jêr jŏt, dơh soih, nău tă ơm gĭt n'hanh ndrel nchră ăp trong nkra ntrŭt ntrôl tâm boh bar dak tâm let năp tay.

Thủ tướng Quốc vụ viện dak Cộng hòa nhân dân Trung Hoa Lý Khắc Cường mbah rhơn Đảng Cộng sản Việt Nam ƀư geh nău dơi Đại hội XIII n'hanh ăp nău dơi ma Việt Nam hŏ dơi geh tâm hun hao wăng sa- rêh jêng kon nuĭh n'hanh njrăng n'gang nuh srê Covid-19; lah rjăp Đảng, Quốc vụ viện n'hanh ƀon lan Trung Quốc uănh khlay tâm boh đah Việt Nam, nchrăp ndơ̆ tay tâm boh tâm rnglăp kâng n'har Việt Nam - Trung Quốc hun hao tĭng trong jru hvi, nsĭt tay nău geh ngăn ngăn an ƀon lan bar dak; ŭch rŏng ntrŭt ntrôl ăp nău way tâm nchră ta dak lêng đah bar dak ơm geh nău dơi ngăn ngăn, nchrăp ndrel Việt Nam n'hanh ăp dak ASEAN nsrôih tay ơm geh nău dơi COC.

Nuĭh rblang: Điểu Thân