VOV4.M’nông: Kêng măng 19/7/2021, Thủ tướng Chính phủ Phạm Minh Chính hŏ kuăl điện tâm nchră đah Tổng thống Philippines Rodrigo Duterte di nkah 45 năm ndâk nau tâm boh nchră nau Việt Nam-Philipines (12/7). Thủ tướng Phạm Minh Chính lah rjăp Philippines mro lah dak kan nsum khlay, tâm rnơm, tâm pă âk nau kơl an ndrel nau geh jêng nsum đah Việt Nam, lah rjăp nau tâm boh 2 dak mô rlu mât nâp, bun dăp tâm rlau 45 năm rlau aơ kơp ntơm rnôk ndâk nau tâm boh nchră nau.

Bar rđau kan tâm ban nau ƀư ân rjăp nau ntrŭt dăng tâm voh Việt Nam-Philippines tâm ăp nau kan, rgum tâm ăp nau kan kơt lah: Ntrŭnh bôk nau kan lvang năm 2019-2024, ntrŭt dăng nau tâm nchră tâm rgâl rmôt kan, tâm mâp gưl prêh ndrel ăp gưl, ơm ntrŭnh ăp nau tâm boh 2 ding tĭng nau kan ueh, lŏ ntrŭnh ăp nau kan di nkah 45 năm nar ndâk nau tâm boh nchră nau, ntrŭt dăng ndrel ƀư jru nâp tay lơn nau tâm boh rnă njrăng, neh dak, tăch rgâl, ntuh kơl, pơk trong nơih ndrel bonh ăp ntŭk kan batrr dak ntuh kơl, tăch rgâl tâm ăp nau kan geh nau dơi ndrel dăng./.

Nŭih rblang: H’Thi