VOV4.M’nông: Thủ tướng Phạm Minh Chính mhe geh nar mâp măt đah ntoh măt nŭih geh n’hâm ma cách mạng, băl mpôl tahen khĭt di nkah 74 năm nar Tahen sôt rmanh-Tahen khĭt kăl e (27/7/1947-27/7/2021). Ta nar mâp, 50 ntoh măt nŭih geh n’hâm ntoh nau ân nsôih, nau rlet nau jêr tâm nau rêh, rgop lôch n’hâm tâm nau kan ndâk njêng ndrel hun hao neh dak ntoh ân rlau 9,2 rkeh nŭih geh n’hâm tâm lam dak ndrel nkah ăp nau ơm mpeh nau tâm lơh rklaih rnoi mpôl.

Ntoh nau ta nar mâp, Thủ tướng Phạm Minh Chính ntoh măt rđau kan Đảng, Ngih dak, njoăl nau tât ăp đồng chí ƀư nau kan cách mạng ơm, ăp mẹ Việt Nam jang dăng, ăp tahen ơm, ăp tahen sôt rmanh, băl mpôl rnăk tahen khĭt, nŭih geh n’hâm đah cách mạng đah nau kan nkah gĭt jru nâp ngăn. Thủ tướng lah rjăp nau kan nkah gĭt jru ngăn đah nau kan mro lah nau rvê ngăn ndrel nau rđau kan ngăn bah ăp gưl rđau kan, tâm ƀon lan ndrel aơ kŏ lah nau ueh ơm văn hoá ueh bah rnoi nơm./.

Nŭih rblang: H’Thi