VOV4.M’nông: Nar 6/5, ta nhih pah kan Chính phủ, Thủ tướng Phạm Minh Chính pah kan đah Bộ Giáo dục n'hanh Đào tạo mpeh ăp nău nchiăng khan, jăch ndăn ân dơi nkra, ăp nău dăn đă bah n'gâng kan. Thủ tướng nkah tay ăp nău đă jăch ndăn aƀaơ tâm njrăng n'gang nuh srê COVID-19, mô dơi uănh lhơ, thơ tha, roh nău njrăng, nkre dŭt n'hâm nkân nkân, kah rngăl, mô phit klach. N'gâng kan ntĭm nti ân kan nsum đah ăp nhih pah kan geh tât an ƀư jăp, geh nău tam pah kan njrăng n'gang nuh srê, đăp mpăn ngăch dăng n'hâm suan an kon se nti, sinh viên, nai ntĭm, nkre ân geh ăp trong nkra ƀư lôch jêh nău kan năm nti, ƀư geh nău dơi rơh thi THPT gưl neh dak bơi tât. N'glôch jêh rơh pah kan, Thủ tướng Phạm Minh Chính lah rjăp, tơm kon nuĭh lah dŭt khlay, geh nău n'glêh an đah n'gâng kan rdâk njêng n'hanh hun hao neh dak, gay geh tơm kon nuĭh rlău ma nău way văn hóa lịch sử bah rnoi nuĭh, geh nău kan dŭt khlay bah ntĭm nti./.

Nuĭh rblang: Điểu Thân