VOV4.M’nông: Thủ tướng Chính phủ Phạm Minh Chính mhe geh rơh hăn pah kan đah UBND n'gor Bình Dương mpeh pah kan njrăng n'gang nuh srê Covid-19 n'hanh hun hao wăng sa- rêh jêng kon nuĭh. Lôch djăt n'gor Bình Dương mbơh pah kan njrăng n'gang nuh srê  n'hanh nô nău hun hao wăng sa rêh jêng kon nuĭh n'hanh nău rgop bah ăp n'gâng kan.

Thủ tướng rnê âk nău dơi njrăng n'gang nuh srê n'hanh hun hao wăng sa- rêh jêng kon nuĭh ta Bình Dương. Nuh srê hôm dơi mât kân uĕh, hun hao wăng sa rlău 7%, nsĭt geh ngân sách rlău 60%, nău rêh nuĭh ƀon lan mô hŏ geh tât khuch âk, trong kơl đăp mpăn lam rêh jêng kon nuĭh dơi mât uĕh. Aơ lah ăp ntŭk chrat ang bah Bình Dương tâm 6 khay bôk năm, ân mât uĕh tay, rhuăt luh tay nău tă ơm gĭt kan. Nchroh nô nău let năp tay mbra geh tât krit jêr, mô dơi mât njrăng tă bah ăp F0 mô hŏ kloh tơm ntưp. Lah mô dơi mât kân nuh srê mbra khuch tât lĕ rngôch nău tĭng ƀư nău kan chính trị ntơm bah aơ tât kêng dŭt năm, lơn lah hun hao wăng sa- rêh jêng kon nuĭh. Jêng ân grêt dăch dêh nô nău, rdâk njêng trong nchrăp lor, trong nkra tâm di, geh nău tam./.  

Nuĭh rblang: Điểu Thân