VOV4.M’nông – Nar 27/6, Thủ tướng Chính phủ Phạm Minh Chính lĕ pah kan đah N’gor ủy Đồng Nai mpeh trong kan njrăng n’gang srê Covid-19 n’hanh nu nău hun hao wăng sa rêh jêng, mât njrăng bri dak rnă njrăng 6 khay bôk năm 2021, nău kan trong mkra khlay tâm 6 khay dŭt năm 2021.

  Thủ tướng Phạm Minh Chính pah kan đah N’gor ủy Đông Nai

Jêh djăt nău mbơh bah n’gor Đồng Nai n’hanh ăp nău rgop bah ăp N’gâng kan nău kan, Thủ tướng rnê ăp săk rnglăy ma n’gor Đồng Nai lĕ dơi geh, nu nău srê ntơm dơi uănh nđôi, nu nău wăng sa rêh jêng dơi đăp mpăn, ƀư tĭng đăp mpăn nău rêh uĕh lơn, Đồng Nai geh ntŭk kan dŭt khlay đah nkual n’hanh lam dak, an nsrôih, mât ƀư tĭng nău rƀŏng nsum. Aƀaơ nu nău srê geh jêr jŏt, n’gor an mĭn nău khlay, nchrăp rdâng đah nu nău mô uĕh ngăn, Đồng Nai an tâm rgop rjăp đah ăp N’gâng kan nău kan gay mkra ăp nău geh tât nău kơl, n’hanh ntŭk kơl hun hao wăng sa.

Nuĭh rblang: Y Sưng Phê Ja