VOV4.M’nông – Kêng măng 11/7, Thủ tướng Phạm Minh Chính ndrel mpôl pah kan Chính phủ geh nar pah kan đah kruanh nkual ƀon têh HCM n’hanh hăn uănh nđôi trong kan njrăng n’gang srê ta nkual ƀon têh HCM.

Thủ tướng Phạm Minh Chính ntoh ngơi ta rơh rƀŭn

Ntoh ngơi ta nar pah kan Thủ tướng lah rjăp, nău ƀư tĭng ntĭm đă 16 đah nkual ƀon têh lah du nău ƀư jêr jŏt ngăn, yơn lah tât aƀaơ mĭn lah aơ nău ntrŭnh di, tâm ban nău wât, uănh năl khlay, tơm di rnôk di ntŭk. Thủ tướng uănh lah prêh nău nkual ƀon têh HCM ƀư tĭng ndrel 2 nău kan nkre njrăng n’gang srê nkre hun hao nău rêh jêng. Thủ tướng đă an mât uĕh nău dơi ƀư, pơk joi nkô̆ nău ăp nău mô hŏ dơi ƀư an nkra tay rnôk mbơh ƀư. Kơl lor njrăng n’gang srê, mât uănh nău rêh nuĭh ƀon lan bôk năp, mô an nuĭh ƀon lan mô tŏng sa, tŏng nsoh, n’hŭch đêt ngăn ăp nuĭh khĭt. Thủ tướng lah, nu nău bah srê lah mô hŏ tă geh, yor nê rnôk mbơh ƀư an tĭng nkô̆ nău n’hanh ryơk ngăn ngên, sŏk nău ngăn ƀư tơm, mô ƀư jêr jŏt, mô ndăn, nkre ƀư nkre rhoăt nău blău ơm.

Nuĭh rblang: Y Sưng Phê Ja