VOV4.M’nông: Kŏ di rnôk râng rƀŭn COP26, ta Anh, Thủ tướng Phạm Minh Chính hŏ geh nar pah kan đah rđau kan rmôt kan tập đoàn AstraZeneca ndrel râng nau ký ndrel mbơh ăp nau nchrăp tâm boh nau kan đah AstraZeneca đah mpeh Việt Nam. AstraZeneca mra ntuh kơl 2 rbăn rmen (90 rkeh dola) gay kơl an Việt Nam n’hao nau dơi nkra dak si tâm dak, kơl an nŭih ji geh dŏng ueh lơn ăp ntil dak si tam geh nkra tâm Việt Nam. Ntoh nau ta nar pah kan, Thủ tướng Phạm Minh Chính lah ueh AstraZeneca hŏ pă năn vắc xin ân Việt Nam tâm rơh rlau aơ.

Rnơm ma nê, rgop nau khlay tâm nau nkân njrăng srê Covid-19, rgop tâm nau kan mât chăm n’hâm soan ân ƀon lan. Thủ tướng ŭch AstraZeneca ơm jao ân lĕ rnoh vắc xin hôm e hŏ tă ton kơl ân Việt nam tâm di nar, lah rjăp Việt Nam ŭch tâm boh nau kan đah AstraZeneca jŏ jong, đăp mpăn tŏng dak si tâm rnôk lam ntur neh dôl geh nau mô ueh mpeh trôk nar mih sial ndrel srê nuh./.

Nŭih rblang: H’Thi