VOV4.M'nông: Nthoi tay nar hăn khâl ngăn dak Cộng hòa Pháp, nar 5/11, Thủ tướng Phạm Minh Chính n'hanh mpôl ntơh măt gưl têh Việt Nam hŏ tât khâl, pah kan đah Viện Pasteur Paris. Kruanh rđău kan Viện Pasteur Paris an gĭt tâm rnoh ăp dak geh tâm boh đah Viện, Việt Nam geh nău khlay mha êng. Lah ta rơh pah kan, Thủ tướng lah rjăp, aơ lah ntŭk ma mpôl Việt Nam saơ ân geh tât trong hăn pah kan dja, rdâk tay tâm boh đah ăp Viện Pasteur.

Lam ăp Viện Pasteur lah du gâl buăt jêng mpêt krêp đah Việt Nam n'hanh Pháp. Ta lam ntŭr neh, đêt geh dak i geh tât 3 Viện Pasteur kơt Việt Nam, tâm pă ta 3 miền Bắc, Trung, Nam, an saơ trong uănh ngai bah ăp nuĭh hăn lor bah năp. Tâm nar 5/11, Thủ tướng Phạm Minh Chính hŏ tât khâl Nhih pah kan Ntŭk kan ntĭm nti, Khoa học n'hanh Văn hoá bah Liên hợp quốc (UNESCO) ƀư ta Paris, Pháp n'hanh ôp srĭng nău đah wa bu ur Audrey Azoulay, Tổng Giám đốc UNESCO. Kêng măng 5/11, Thủ tướng Chính phủ Phạm Minh Chính hŏ sĭt bah Paris, dŭt jêh uĕh lăng lam lĕ rngôch hăn khâl ngăn dak Cộng hòa Pháp.

Nuĭh rblang: Điểu Thân