VOV4.Mnông-  Ta rơh rƀŭn nchră COP 26, Thủ tướng Chính phủ Phạm Minh Chính lĕ geh rơh tâm mâp đah Tổng thống Mỹ Joe Biden, Tổng thống Hàn Quốc Moon Jae In, Thủ tướng Thái Lan Prayuth Chan o cha, vơt kruanh nkre kan giám đốc leo kan ntŭk kan mât uănh ntŭk gŭ rêh lam ntur neh.

Thủ tướng Chính phủ Phạm Minh Chính ta rơh rƀŭn nchră COP 26, 

Ta rơh tâm mâp đah Tổng thống Mỹ Joe Biden, Thủ tướng Phạm Minh Chính rnê âk nău Tổng thống Biden n’hao nău tâm boh tâm kơl pah kan đah Việt Nam n’hanh ăp dak Châu Á, lah na nê̆ Việt Nam uănh khlăy nău tâm boh kan đah Hoa Kỳ n’hanh ŭch hun hao nău tâm boh kan ăp nar lơ ma săk rnglăy, hăn lăp jru tâm nău rêh, đăp mpăn. Tổng thống Biden rnê âk nău tât râng kan, nău nsrôih n’hanh tâm ton têh dăng bâh Việt Nam ta rơh rƀŭn nchră COP26. Bar hê nuĭh leo kan tâm ban ŭch ntrôl nău tâm boh kan lĕ rngôch Việt Nam- Mỹ an hun hao ueh lơn tay, tâm nĕ geh nău tâm kơl mpeh tơm prăk công nghệ gay ma doh rklaih ăp nău trôk nar mih sial, ngăn lah ƀư tĭng tŏng ăp ntrong kan tâm ton Paris, rnê nău tât râng kan bâh ăp công ty Mỹ lăp ta ntrong kan hun hao nđir, hun hao nâp nâl ta Việt Nam.

Nuĭh rblang: Thị Đoắt