VOV4.Mnông- Nar 14/11, di nar an Nai nti Việt Nam 20-11, Thủ tướng Chính phủ Phạm Minh Chính lĕ tâm mâp măt ăp nuuĭh ndơn kan nai nti, cán bộ mât uănh ntĭm nti ntoh lư. Ndơn kan an nuĭh leo kan Đảng, ngih dak, Thủ tướng Phạm Minh Chính nkoch nău jêr n’hanh kơp dơn ăp nău nsrôih n’hanh rlet rlău nău jêr jŏt bâh mpôl kan nai nti ta lam dak.

Thủ tướng Phạm Minh Chính tâm mâp măt đại biểu ndơn kan ăp nai nti, cán bộ mât uănh n’gâng kan ntĭm nti ntoh lư.

Tĭng nău mbơh bâh Thủ tướng, aƀaơ, lam dak dôl nsrôih ƀư tĭng răng dăng ăp ntrong kan rgâl mhe tơm khlăy, lĕ rngôch mpeh nău kan ntĭm nti gay ma n’hao nău dơi ntĭm n’hanh nti ta lĕ rngôch ăp gâl nti. Ntrong kan lah: sŏk kon hoc ƀư nău kan tơm khlăy, uănh khlăy tât hun hao nău blău kan, nău gĭt ueh tâm nău rêh, nău rklă kan bâh kon hoc. Tâm rnôk geh nuh srê, chính phủ dôl n’hanh mbra doh rkliah ơm ăp nău năp lor gay ma nta nău dơh nơih an n’gâng kan ntĭm n’hanh nti an rêh nsum đăp mpăn mât njrăng nuh srê săk rnglăy. Tĭng nĕ, chính phủ an geh dơn ngoăy nău mĭn mô an ăp oh kon hoc nti trực tuyến jŏ ir; pă an n’gâng kan ntĭm n’hanh nti, n’gâng kan dak si tâm rgop đah ăp ntŭk geh ntrong kan ndâk nsơm nău aơ tĭng ntrong kan tâm di yơn an geh ƀư ngăch, mât đăp mpăn njrăng rdâng nuh srê.

Nuĭh rblang: Thị Đoắt