VOV4.Mnông-  Lôch geh tât ta Anh gay ma râng rơh rƀŭn nchră tal 26 ăp ding tât râng nău tâm ton nsum bâh LHQ mkpeh rgâl trôk nar mih sial n’hanh tât râng pah kan ta dak Anh, Thủ tướng Chính phủ Phạm Minh Chính lĕ tâm mâp thủ hiến Scotland wa Nicola Sturgeon.

Thủ hiến Nocola Sturgeon mpơl nău knơm Việt Nam mbra tâm rgop ta nău dơi nsum bâh rơh rƀŭn nchră. Thủ hiến rnê nău tâm rgop khlăy bâh Việt Nam an nău nsrôih nsum rdâng đah rgâl mih sial trôk nar, an gĭt Scotland lĕ tâm ton  an bah ir geh nău nsuk lăp ta trôk ta năm 2045 n’hanh êng nkuăl ƀon têh Glasgow, ntŭk mbra geh ƀư ăp nău kan bâh rơh rƀŭn nchră COPO 26, tâm ton bah ir ndơ nsuch ta play neh ta năm 2030. Thủ tướng Phạm Minh Chính rnê âk nău dơi hun hao nău tâm boh kan đah Việt Nam n’hanh Scotland, nkual wăng sa hun hao têh tal 2 bâh dak Anh mô dơn geh ntoh lư ndrănh whisky ntoh lư ta lam ntur neh ma hôm nha geh âk nău dơi mpeh rgâl mhe, wăng sa mbrô, tơm prăk, bảo hiểm, ndơ pring, ngăn lah hun hao ŭnh nar mhe njêng.

Nuĭh rblang: Thị Đoắt