VOV4.M’nông: Ôi 29/7, ta Nhih pah kan Chính phủ, Thủ tướng Chính phủ Phạm Minh Chính hŏ wơt Đại sứ Cộng hòa Cuba Orlando Nicolás Hernández Guillén tât khâl dơm. Ta rơh mâp, tâm khuh n'gôr tâm rnglăp, răm mƀak, du nuih n'hâm ngăn, Thủ tướng Chính phủ Phạm Minh Chính mbah rhơn Đại sứ Orlando Nicolás Hernández Guillén hŏ ndơ̆ si ƀŭt neh dak tât Kruanh dak tâm nar 13/7 n'hanh lah rjăp Chính phủ mbra uănh khlay rđău đă ăp n'gâng kan, ntop kơl, nta trong dơh gay Đại sứ lôch jêh uĕh nău kan ta Việt Nam.

Thủ tướng Phạm Minh Chính lah rjăp Việt Nam dŭt n'hâm uănh khlay tâm boh tâm rnglăp krêp dêh, nsing nơm đah Cuba, dơi Kruanh Hồ Chí Minh n'hanh Kruanh Fidel Castro ntơm njêng n'hanh âk rơh kơn kruanh rđău kan, ƀon lan bar dak mô rlu bun dăp n'hanh ŭch tĭng kơl tâm rlău 60 năm aơ. Lơn lah mhe aơ, n'gâng kan bar dak hŏ nsrôih ƀư bah ăp jêr jŏt tă bah nuh srê Covid-19 n'hanh mô rlu rdâk tay, hun hao tâm boh kalơ âk trong kan./.

Nuĭh rblang: Điểu Thân