VOV4.M’nông – Ôi nar 23/11/2021, ta Tokyo, Nhật Bản, tâm rơh khâl na nê̆ bôk năp tât Nhật Bản, Thủ tướng Phạm Minh Chính lĕ wơt Thủ tướng Nhật Bản Suga Yoshihide, Tổng thư ký ơm Đảng Dân Chủ Tự do (LDP), Kruanh Liên minh nghị sỹ Hữu nghị Nhật-Việt Nikai Toshihiro n’hanh ăp nuĭh Liên minh. Thủ tướng Chính phủ Phạm Minh Chính lah rjăp Nhật Bản lah dak têh khlay bôk năp bah Việt Nam; nkoch nău rhơn gĭt saơ tâm boh kan ndrel têh hvi Việt Nam-Nhật Bản dôl hun hao dăng, lĕ rngôch ta ăp ntil nău kan đah nău nsing nơm chính trị têh. Thủ tướng Phạm Minh Chính uănh lah prêh ăp nău rgop têh, săk rnglăy bah Thủ tướng ơm Suga n’hanh Kruanh Nikai kơt ăp nuĭh Liên minh Nghị sĩ Nhật-Việt tâm nău ntrôl tâm boh kan ndrel têh hvi đah 2 dak mô rlu hun hao dăng n’hanh săk rnglăy ta ăp nău kan, ntrôl kan ndrel wăng sa, tăch rgâl, ntuh kơl n’hanh tâm nđŭr đah nuĭh ƀon lan; lah uĕh ăp nău rŏng dăch dêh, ngăn ngên đah neh dak n’hanh nuĭh ƀon lan Việt Nam.

Nuĭh rblang: Y Sưng Phê Ja