VOV4.M’nông: Ta Hà Nội, Quân uỷ Trung ương, Kruanh n’gâng kan neh dak ƀư rƀŭn nchră Quân chính lam tahen 6 khay bôk năm 2021. Uỷ viên bộ chính trị, Thủ tướng Chính phủ Phạm Minh Chính râng ndrel rđau rƀŭn; Thượng tướng Phan Văn Giang-Uỷ viên Bộ chính trị, Groi Bí thư Quân uỷ Trung ương, Kruanh n’gâng kan neh ậk ƀư tơm rơh rƀŭn. Ntoh nau ta nar rƀun, Thủ tướng Chính phủ Phạm Minh Chính nchră rnê prêh ăp ntoh măt râng rƀŭn nchră ƀư tơm, nau kan têh, rgop nau âk lơn âk nau ueh khlay, ntop tay, ƀư jêh ăp nau kan mpeh ntrong rƀŏng kan. Rơh rƀŭn nchră nchrăp luh nau kan tâm 6 khay dŭt năm 2021. Tĭng nê, lam tahen ân geh ƀư jru nâp lơn nau ntrŭnh Đại hội XII bah Đảng, Nau ntrŭnh Đại hội Đảng bộ tahen tal XI ndrel ăp nau kan tơm tâm lvang 2021-2026. Quân uỷ Trung ương, N’gâng kan neh dak uănh năl nau kan tơm tâm rơh tât kloh, tâm nê nchrăp ueh, ngăch, mbơh ơm, uănh tâm di nau kan, nau tât, năn kơl nchră nau kan ma Đảng, Ngih dak rklaih nau dơi ngăn ăp nau tât, lŏ ntrŭnh jru nâp ăp nau ntrŭnh, ntrong kan, nau geh, bôk nau kan, nau kơl pháp luật mpeh tahen, neh dak./.

Nŭih rblang: H’Thi