VOV4.M’nông – Dơn nău jă bah Tổng tống Đại Hàn Dân Quốc Moon Jae In, nar aơ (31/5), Thủ tướng Chính phủ Phạm Minh Chính râng rƀŭn nchră Gưl prêh Kan ndrel mpeh n’hao hao jêng uĕh nđĭr n’hanh nău rƀŏng lam ntŭr neh 2030 (P4G) ƀư tĭng trong pơk sŏng dăng. Rƀŭn nchră dơi uănh lah geh nkô̆ nău khlay tâm rnôk rdâng đah rgâl trôk nar duh nđik n’hanh rdâk nkra uĕh nđĭr tay jêng kơl lor bôk năp bah ăp dak. Aơ lah rƀŭn nchră gưl prêh kan ndrel mpeh n’hao hao jêng uĕh nđĭr n’hanh nău rƀŏng lam ntŭr neh rơh tal 2.

Thủ tướng Phạm Minh Chính  râng Rƀŭn nchră Gưl prêh kan ndrel mpeh n’hao hao jêng uĕh nđĭr

Đah tât râng bah 60 kruanh, Kruanh gưl prêh tât bah âk dak, Rƀŭn nchră năm aơ mbra rgum tâm nchră ăp nkô̆ nău kan ndrel lam ntŭr neh yor nău ŭch rdâk nkra uĕh nđĭr tay jêh khuch bah Covid-19. Rƀŭn nchră Gưl prêh kan ndrel mpeh n’hao hao jêng uĕh nđĭr n’hanh nău rƀŏng lam ntŭr neh lah trong ƀư tâm nchră tâm nĕ ăp dak kan ndrel ntop kơl prăk kaih, hôm ăp rmôt kan, doanh nghiệp n’hanh nuĭh ƀon lan ƀư ăp nău nchrăp kan. Nău rƀŏng lah ntop kơl ăp dak dôl hun hao hôm e mbrơi tâm nău rdâng đah nu nău ndơ nsŭk m’hŭl ƀư duh play neh.

Nuĭh răk rblang: Y Sưng Phê Ja