VOV4.M’nông – Nar nđaơ (19/7), jêh rnôk pah kan đah nkual ƀon têh Hà Nội, Thủ tướng Phạm Minh Chính lĕ ƀư tơm rơh rƀŭn ndal bah Chính phủ đah Ban ntĭm rđău Ngih dak njrăng n’gang srê Covid-19 gay djăt nău mbơh nu nău chôt srê, tĭng nkô̆ nău nĕ uănh mĭn tay, ntrŭnh an ăp trong dăng lơn, dŭt n’hâm lơn bah năp nu nău jêr jŏt aƀaơ.

Thủ tướng rƀŭn ndal đah Ban ntĭm rđău Ngih dak njrăng n’gang srê Covid-19

Pơk bôk rơh rƀŭn, Thủ tướng Phạm Minh Chính đă ăp nău rgop tâm nchră an hăn sŏng tâm ăp nău na nê̆ geh tât trong kan rchăng n’gang srê aƀaơ, nĕ lah: trong kan kruanh ntĭm rđău, nău rmal rjăp kỷ cương tâm nău ƀư tĭng; uănh lah tay nuĭh kan, y nai dak si, điều dưỡng, nuĭh kỹ thuật, năp ndoh ndơ, sinh phẩm dak si; nău pă manh ndoh ndơ, tŏng ăp ndơ sông sa, ndơ dŏng khlay an nuĭh ƀon lan; nău soih luh ndoh ndơ; ƀư tĭng đăp mpăn kon nuĭh, ngăn lah đah nuĭh roh nău kan, nuĭh mâp jêr jŏt, Nghị quyết 68 an ntop tay ăp moh nuĭh ?, ăp nău wăk kol mpeh prăk kaih an m’hâm mkra ?... Tă bah nĕ gay tâm ban ŭch n’hanh n’gluh an ăp trong mkra uĕh lơn, êp đah nău ngăn lơn tâm nu nău jăch ndal aƀaơ.

Nŭih rblang: Y Sưng Phê Ja