VOV4.M’nông: Ôi lơ 4/7, Thủ tướng Phạm Minh Chính ƀư tơm nar rƀŭn trực tuyến đah rđau kan ăp n’gâng kan, ntŭk kan, rđau kan nkuăl ƀon têh Hồ Chí Minh, n’gor Bình Dương, Đồng Nai, Bình Phước, Tây Ninh, Bà Rịa-Vũng Tàu, Long An, Tiền Giang mpeh nau kan njrăng srê Covid-19. Ntoh nau ta nar rƀŭn Thủ tướng Chính phủ Phạm Minh Chính rđau: Lơn ma jêr ân lơn ma tâm rnglăp gay tâm ban, djăt nau mbơh, nau đă, nau nkoch, nau ƀư ân rjăp, geh ăp nau kan tâm di tâm dăch ma nau ngăn tă bah nkuăl, ntŭk kan.

Ân geh uănh năl, nkuăl ƀon têh Hồ Chí Minh, Hà Nội ân geh kơl an lor mpeh chính trị, văng sa, rêh jêng, rnă njrăng, neh dak ndrel 12 nkuăl văng sa tơm bah neh dak. Thủ tướng lah rjăp, rơh tât, srê ji hôm jêr lơn, ân geh lŏ mât nau ƀư bar ntil kan, yơn ân geh kơl an, rgum mpuh n’hât srê tâm nuih n’hâm n’ho ro “saơ ơm, nchueng, nkhah, mpuh n’hât srê ân nâp ueh, ngăch, đăp mpăn nau nau”./.

Nŭih rblang: H’Thi