VOV4.M’nông: Ôi lơ 26/5, Thủ tướng Phạm Minh Chính pah kan trực tuyến đah n’gor Bắc Giang ndrel n’gor Bắc Ninh gay leo ăp nau kan ndal bah năp nau tât jêr bah srê Covid-19 rnôk rnoh nŭih ntưp hao âk, nau ntưp rêng dŭt ngăch. Ta rơh rƀŭn, Thủ tướng Phạm Minh Chính đă ntoh măt rđau kan bah ăp n’gor Bắc Giang, Bắc Ninh ndrel ăp n’gâng kan, ntŭk kan geh tât, mbơh ndơn nau kan kŏ kơt lah nau đă ăp ntrong gay ma ngăch njrăng rdâng srê ji tâm 2 n’gor aơ. Tĭng ăp n’gâng kan, ntŭk kan, n’gor, ntrong kan ueh ngăn rnôk aơ lah ƀư kloh ntŭk kan công nghiệp, ƀư kloh công nhân đah nau kan mêt uănh ăp ntil ndơ xét nghiệm săk jăn ngăch, lôch tâm 3 nar đah nkuăl công nghiệp, leo ngăn F0 luh bah nkuăl srê ơm ngăn, nsrŭng nau tâm pleh công nhân đah ăp ngih máy. Pơk hvi nau tâm nkhah tâm lam n’gor, nkân njrăng ăp nkuăl tâm nkhah dak si, mô ân ntưp rêng tâm ƀon lan./.

Nŭih rblang: H’Thi