VOV4.M’nông: Ntŭk kan Chính phủ mhe njoăl nau đă mpeh nau kơl an nŭih kan njrăng rdâng srê Covid-19 tât Kruanh n’gâng kan dak si, Kruanh UBND n’gor, nkuăl ƀon têh tâm Trung ương. Tĭng nê, bah năp nau geh bah srê Covid-19 lŏ geh tât, ân geh n’hao nau ân năn nŭih kơl njrăng srê, ngăn lah nai dak si, nŭih kơl mât chăm, ndâk săk soan ân ăp nkuăl geh nŭih ntưp âk tâm mpeh ba dâng.

Thủ tướng rđau đă: Kruanh n’gâng kan dak si nchrăp, ndal lơn tay tâm nau rđau ntĭm nti, n’hao nau săm, ndâk săk soan tâm lam dak, nsing tâm nau đă ndrel nau tŏng dơi nsum tâm lam dak, ntrŭnh nkre nau nchrăp leo, kơl an ăp nkuăl dôl ma geh nŭih ji jâk, jru. Kruanh UBND ăp n’gor, nkuăl ƀon têh tâm Trung ương rđau, pơk trong ân ăp ntŭk kan dak si bah nkuăl n’hao rmôt, râng kơl an tĭng nau rgŏ jă bah N’gâng kan dak si./.

Nŭih rblang: H’Thi