VOV4.M’nông: Ntŭk kan Chính phủ mhe geh nau ntrŭnh mbơh nau rđau bah Thủ tướng Chính phủ Phạm Minh Chính mpeh nau nkân njrăng ntil kman mhe Omicron bah kman SARS-Cov2 dôl ntưp âk tâm lam ntur neh. Gay nchrăp rdâng đah nau kan nkân, njrăng srê, Thủ tướng Chính phủ Phạm Minh Chính đă N’gâng kan dak si nchrăp nau uănh ân rjăp nau tât bah srê mhe Omicron lơh, vay tâm nchră nau đah Ntŭk kan dak si lam ntur neh gay ma gĭt nau, năn, tâm di ngăn mpeh ntil kman aơ, tâm nê nchrăp ăp nau kan, nau njrăng, rdâng ân năn, tâm ban, săk tam đah ăp nau tât bah srê ji. N’gâng kan dak si, N’gâng kan nchră nau, N’gâng kan nchuăn rdeng, N’gâng kan công an, N’gâng kan neh dak ndrel ăp ntŭk kan, n’gâng kan geh tât nau kan, nau dơi geh jao rđau ăp rmôt kan n’hao nau nkân njrăng nŭih tât ndrel hăn rlet ăp dak geh ntoh srê Omicron lăp tâm Việt Nam gay ma njrăng rdâng nau ntưp rêng bah ntil kman aơ tâm dak nơm./.

Nŭih rblang: H’Thi