VOV4.M’nông: Di nkah 40 năm Nar ndâk Giáo hội Phật giáo Việt Nam (7/11), ôi lơ 5/11, ta Hà Nội, ntoh măt rđau kan Đảng, Ngih dak, MTTQ Việt Nam, wa Đỗ Văn Chiến, Bí thư Trung ương Đảng, Kruanh Uỷ ban Trung ương MTTQ Việt Nam ndrel rmôt kan tât khâl ndrel rhơn Giáo hội Phật giáo Việt Nam. Wa Đỗ Văn Chiến lah rjăp, rlau 40 năm ma aơ Giáo hội Phật giáo Việt Nam bonh đă ăp nŭih tĭng chroh tâm lam dak rgum hun hao văng sa rêh jêng, mât chăm nau rêh ân nŭih geh nau jêr, nŭih mô dăng, nŭih mâp nau khuch bah srê nuh tâm lam dak.

Ryơk ăp nau ueh, nau kơl an bah rđau kan Đảng, Ngih dak, MTTQ Việt Nam đah ăp nau kan bah Giáo hội rơh rlau aơ, Hoà thượng Thích Thanh Nhiễu-Groi Kruanh Rnâng kan Hội đồng Trị sụ Trung ương Giáo hội phật gioá hội Việt Nam lah rjăp, tâm rơh tât, Giáo hội Phật giáo Việt Nam lŏ nkoch mbơh, bonh đă ăp nŭih tĭng chroh ueh, chroh ueh, ƀư ân rjăp ăp nau ntrŭnh, ntrong kan bah Đảng, nau ntrŭnh, pháp luật bah Ngih dak, nsôih râng nau kan kơl an nau rêh gay kơl nŭih ach o, nŭih ƀon lan tâm nkuăl geh khuch yor srê Covid-19./.

Nŭih rblang: H’Thi