VOV4.Mnông- Tĭng nău mbơh bâh n’gâng kan nchră nău dak bah dih Thái Lan, Thủ tướng dak aơ, wa Prayut ChanOcha mbra tât râng rơh rƀŭn nchră gâl têh ASEAN tal 38 n’hanh 39 n’hanh ăp rơh rƀŭn nchră gâl têh geh tât ntrong kan trực tuyến bâh nar 26-28/10/2021 atay. Ăp nău kan rơh rƀŭn nchră aơ mpơl mbơh lôch nău kan kruanh ASEAN năm 2021 bâh Brunei đah bôk nău “mpôl he mât uănh, mpôl he mbra geh nău kan, mpôl he têh kuăng”. Tâm năm kruanh ASEAN 2021, Brunei lah na nê̆ pe ntrong kan an lor, nĕ lah: mât uănh tât ăp nuĭh n’hanh nău têh jêng yor du nkual dơn ngoăy. Ta meng ăp rơh rƀŭn nchră gâl têh ASEAN tal 38 n’hanh 39, mbra geh ƀư ăp rơh rƀŭn nchră gâl têh đah ăp nuĭh leo kan đah ăp ntŭk tâm nchră kan bâh ASEAN lah Trung Quốc, Nhật Bản, Hàn Quốc, Ấn Độ, Australia, Hoa Kỳ, Nga n’hanh New Zealand.

Nuĭh rblang: Thị Đoắt