VOV4.M’nông: Ôi lơ 18/11, ta ntŭk kan Trung ương Đảng, geh rơh rƀŭn Rnâng kan rđau kan Trung ương mpeh nau njrăng nau sa khâm, mô ueh, đah nau ƀư tơm bah Tổng Bí thư Nguyễn Phú Trọng. Rơh rƀŭn gay tâm chră, rgop nau mpeh nau rđau rklaih đah du đê̆ nau kan, nau tih tâm Rnâng kan rđau uănh, đă ƀư, kan rgâl nkra, ntop tay nau ntrŭnh pah kan ndrel nau ntrŭnh pă nau kan ân tĭng nŭih rđau kan.

Ta nar rƀŭn, Rnâng kan Rđau kan tâm ban nau năl, jêh ntơm rơh rƀŭn tal 19 (khay 1/2021) bah Rnâng kan rđau kan tât rnôk aơ, ăp gưl uỷ, ntŭk kan đảng, ntŭk kan hŏ geh âk nau nsôih, ƀư ân rjăp nau ntrŭnh kan bah Rnâng kan, ngăn lah nau ntrŭnh, ƀư nau kan njrăng, rdâng nau mô ueh geh nsum ma nau njrăng rdâng sa khâm, ma nau tơm lah mpeh nau mô ueh nau mĭn chính trị, nau rêh. Rnâng kan rđau kan kơp dơn nau saơ, rklaih ăp nau kan, nau tih sa khâm, nau mô tâm di geh âk nau ân nâp lơn./.

Nŭih rblang: H’Thi