VOV4.M'nông: Ôi 16/8 ta Hà Nội, Ban rnâng kan Ủy ban Trung ương Mặt trận Tổ quốc Việt Nam ƀư Tâm nchră pơk sŏng dăng lam dak an ƀư bôk nău kan bah Mặt trận Tổ quốc Việt Nam n'hanh ăp mpôl kơl kan nsum tĭng ƀư Nghị quyết Đại hội Đảng lam dak tâl XIII.

Tât râng n'hanh lah ta rnôk rđău đă tâm nchră, Tổng Bí thư Nguyễn Phú Trọng lah rjăp, gay tĭng ƀư an dơi trong rƀŏng, nău kan, rnoh tât lor bah Nghị quyết Đại hội Đảng lam dak tâl XIII, mô hôm geh trong êng ƀa ƀă lah he ân mât uĕh suan dăng tâm rnglăp bah lam rnoi nuĭh nkre đah suan dăng rơh aƀaơ ta nâm nău rđău kan sŏng di, chrat ang bah Đảng. Tổng Bí thư Nguyễn Phú Trọng dăn đă Mặt trận Tổ quốc Việt Nam n'hanh ăp mpôl lăp kơl kan nsum n'hao dăng tay rdâk njêng n'hanh rdâk tay nâp tâm rnglăp lam rnoi nuĭh, mât uĕh nuih n'hâm blău ƀư mhe bah ăp rơh kơn ƀon lan; lơn lah, mât uĕh suan dăng blău ƀư mhe têh kuâng bah ăp rơh kơn ƀon lan. Ndrel đah nê lah uănh khlay tât nău ŭch rŏng, mpŏng geh n'hanh nău dơi ngăn ngăn bah ăp rơh kơn nuĭh ƀon lan./.

Nuĭh rblang: Điểu Thân