VOV4.M'nông: Nar ntri (19/11) ta Nhih pah kan Trung ương Đảng, Tổng Bí thư Nguyễn Phú Trọng ƀư tơm rơh hop Bộ Chính trị, Ban Bí thư gay mĭn uănh, ƀư rmal Ban cán sự đảng Bộ Y tế, Ban cán sự đảng Uỷ ban nhân dân n'gor Hà Nam năm kan 2016 - 2021 n'hanh du đêt nuĭh lah cán bộ kruanh rđău kan, cán bộ kruanh rđău kan ơm bah Bộ Y tế n'hanh bah n'gor Hà Nam. Uănh nkô̆, rnoh jru tih, rnoh âk tât khuch, nuih n'hâm uănh năl êng nău tih di săk nơm, jêh geh nkra bah ăp nău tih, rbăn lhơ, ăp nău rgop bah tĭng rmôt kan đảng n'hanh êng nuĭh, Bộ Chính trị n'glêh an rmal ma trong nkah lor đah Ban cán sự đảng Bộ Y tế năm kan 2016 - 2021; ƀư rmal ma trong nkah lor, nkre an rlu nău kan Kruanh Ƀan mât chăm n'hâm suan cán bộ Trung ương đah wa Nguyễn Thị Kim Tiến. Ban Bí thư n'glêh an rmal ma trong nduih lah đah Ban cán sự đảng Uỷ ban nhân dân n'gor Hà Nam năm kan 2016 - 2021; ƀư rmal ma trong n'gluh bah dih Đảng đah wa Trương Quốc Cường; ƀư rmal ma trong nkah đah wa Nguyễn Xuân Đông; an rlu kan Uỷ viên Ban Thường vụ Tỉnh uỷ Hà Nam năm kan 2020 - 2025 đah wa Đinh Văn An./.

Nuĭh rblang: Điểu Thân