VOV4.M’nông: Ôi lơ 11/6, đah nau rđau kan bah Tổng Bí thư Nguyễn Phú Trọng, Bộ chính trị rƀŭn sŏk nau rgop mpeh nau kan njrăng rdâng srê Covid-19. Lôch rƀŭn, Tổng Bí thư Nguyễn Phú Trọng lah rjăp, bah năp nau tât jêr bah srê Covid-19, rđau kan Đảng, Ngih dak, Rnâng kan rđau neh dak mpeh nau njrăng rdâng srê Covid-19 hŏ rđau kan rjăp, ngăn, rgum lam ntrong kan chính trị lăp kan ndrel ƀư nau kan rjăp, ngăn gay rdâng srê.

Tổng Bí thư Nguyễn Phú Trọng    

  Tổng Bí thư đă, Rnâng kan rđau kan Đảng Chính phủ, Đảng đoàn Quốc hội, Rnâng kan rđau kan neh dak njrăng rdâng srê Covid-19, ăp n’gâng kan tâm nkuăl lŏ rgum n’hao ngăn nau njrăng srê. Tổng Bí thư lah kloh, mô dơi thơ tha, tâm ban nuih ma nau nơm tă geh, lŏ nchrăp kan, nau ƀư gay ma rdâng njrăng ma ăp nau tât./.

Nŭih rblang: H’Thi