VOV4.M'nông: Tĭng ƀư bôk nău kan hăn mâp ƀon lan lôch rơh hop tâl 2 Quốc hội khoá 15, ôi 26/11, Tổng Bí thư Nguyễn Phú Trọng ndrel đại biểu Quốc hội mpeh Đơn vị bầu cử mbrô 1, Mpôl đại biểu Quốc hội nkual ƀon têh Hà Nội hŏ geh rơh mâp ƀon lan ăp quận Ba Đình, Đống Đa n'hanh Hai Bà Trưng ƀư tĭng trong mâp na nê̆ n'hanh pơk sŏng dăng tât 56 phường bah 3 quận đah 1.225 cử tri, gay mbơh jêh geh rơh hop tâl 2 n'hanh ơh nău ôp ăp nău dăn đă bah cử tri. Lơn âk cử tri rnê rơh hop tâl 2 Quốc hội khoá 15 ƀư tâm rnôk dŭt n'hâm mha êng, ăp đại biểu Quốc hội pah kan đah nuih n'hâm dơn kan n'hanh dơi geh tâm ban ŭch âk. Lơn lah mpeh rgâl mhe tâm nău kan bah Quốc hội. Đah nău njrăng, n'gang nuh srê Covid-19, cử tri dăn đă Quốc hội, Chính phủ, ăp n'gâng kan dơi kan ntuh kơl an trong kan dak si tâm dâng, pah kan dak si rnă njrăng lor; njêng n'hanh tâm ban ŭch jâng nsing công nghệ dŏng nsum lam dak tâm pah kan njrăng, n'gang nuh srê Covid-19. Tĭng Tổng Bí thư Nguyễn Phú Trọng, gay ăp Nghị quyết bah Quốc hội lăp tâm nău rêh, ăp nhih pah kan tâm Ngih dak ân ndăn ngăch ƀư jăp ăp luật, nghị quyết mhe dơi an dŏng; rgâl mhe, n'hao săk geh nău kan, uănh khlay tâm pah kan groi nđôi, uănh năl gay mât uĕh ăp nău nsrôih n'hanh ƀư bah ăp nău rbăn lhơ, mpăng đêt./.

Nuĭh rblang: Điểu Thân