VOV4.M’nông: Ôi lơ 23/5, Tổng Bí thư Nguyễn Phú Trọng hŏ ƀư nau dơi săch kan tâm ntŭk nkăch phiếu 58 Nguyễn Du, Quận Hai Bà Trưng, Hà Nội. Ơh nau ôp bah năp âk mpưm phóng viên báo chí tâm dak ndrel dak ba dih jêh rnôk hăn nklăch phiếu săch kan. Tổng Bí thư Nguyễn Phú Trọng ntoh nau ŭch, kŏ kơt lah cử tri tâm lam dak, ăp ntoh măt Quốc hội gưl XV ndrel ntơh măt HĐND ăp gưl geh săch rơh aơ mra lôch n’hâm kơl an neh dak, kơl an ƀon lan, ƀư dơi ăp nau dơi, nau kan prêh bah nơm tĭng di Hiến pháp ndrel pháp luật ntrŭnh.

Tổng Bí thư Nguyễn Phú Trọng ntoh nau ngơi

Ngăn lah ân ƀư rjăp tĭng nau kan kơl an neh dak, kơl an ƀon lan, Hiến pháp dak Cộng hoà xã hội chủ nghĩa Việt Nam, ƀư rjăp nau dơi bah nŭih ntoh măt ân ƀon kan săch, ntoh măt ân ƀon lan gay râng mât neh dak, mât nau rêh. Tổng bí thư Nguyễn Phú Trọng lah rjăp: rơh săch kan rơh aơ mra geh nau dơi, njêng nar rgum rƀŭn bah lam ƀon lan, nar rgum bah neh dak nơm”./.

Nŭih rblang: H’Thi