VOV4.Mnông-  Nar 14/11, Tổng Bí thư Nguyễn Phú trọng lĕ tât râng nar tâm mâp tâm rnglăp lĕ mpôl rnoi ta ngih văn hóa thôn 5, xã Yên Sở, nkuăl Hoài Đức, nkuăl ƀon têh Hà Nội. Tâm ngơi đah ƀon lan ta nar tâm mâp, Tổng Bí thư Nguyễn Phú Trọng rhơn dơn saơ cán bộ n’hanh ƀon lan thôn 5 lĕ n’hao nău tâm rnglăp, tâm pêt tâm kơl, ndrel an hun hao wăng sa đah âk nău kan, mbơh tơih n’hanh dŏng nău mhe mpeh khoa học kĩ thuật, aƀaơ ta lam thôn kanŭng hôm 5 rnăk dăch ach o n’hanh mô hôm geh rnăk ach o.

Tổng Bí thư Nguyễn Phú Trọng dăn đă, n’gâng kan ta ntŭk n’hanh ƀon  lan an geh n’hao tay nău way, cách mạng, nău ueh êng n’hanh nău dơi tâm rlong tâm rnglăp lĕ mpôl rnoi, nsrôih rdâk njêng thôn 5, xã Yên Sở tâm ban kơt lĕ r ngôch ăp nkual ƀon lan gŭ tâm lam nkuăl ƀon têh Hà Nội ăp nar lơ ma têh ueh, ueh mhe.

Nuĭh rblang: Thị Đoắt