VOV4.M’nông – Ôi nđaơ (20/7), Tổng Bí thư Nguyễn Phú Trọng ndrel ăp đồng chí kruanh Đảng, Ngih dak râng ntơm ƀư rơh rƀŭn bôk năp, Quốc hội khóa 15 dơi ƀư ta Jrô rƀŭn Diên Hồng ta Thủ đô Hà Nội. Ntoh ngơi ta rơh rƀŭn, Tổng Bí thư Nguyễn Phú Trọng đă, Quốc hội an mât têh dăng lơn tay nău ƀư, ntŭk kan bah nơm tâm nău ndâk njêng pháp lý an ăp nău kan bah neh dak, rhŏ nău kan hun hao wăng sa rêh jêng, đăp mpăn mât njrăng bri dak, rnă njrăng, tâm rnglăp bah dih. Ntrôl ngăch n’hanh n’hao uĕh an ăp sam ƀŭt pháp luật; ơm ndâk njêng trong pháp luật tŏng ăp, tâm ban, đăp mpăn uĕh nâp, tâm di nău ŭch ngăn.

Tổng Bí thư Nguyễn Phú Trọng râng ntơm ƀư rơh rƀŭn bôk năp, Quốc hội khóa 15

Ngih pah kan ntoh măt têh ngăn bah nuĭh ƀon lan, ngih pah kan têh ngih dak prêh ngăn bah dak Cộng hòa xã hội chủ nghĩa Việt Nam, Tổng Bí thư đă Quốc hội an mât ăp nău geh n’hanh nău blău ơm bah 75 năm bah năp, rgâl mhe tay, n’hao lơn tay uĕh nâp n’hanh săk rnglăy nău kan gay tâm du uĕh ngăn đă, nău kan chính trị bah neh dak tâm lvang mhe.

Nuĭh rblang: Y Sưng Phê Ja