VOV4.M’nông: Dơn nău jă bah Ban Chấp hành Trung ương Đảng Cộng Sản Trung Quốc, măng ntri (6/7), Tổng Bí thư Nguyễn Phú Trọng leo mpôl ntơh măt gưl têh Đảng Cộng sản Việt Nam râng tâm nchră gưl têh pơk sŏng dăng đah Đảng Cộng sản Trung Quốc đah ăp đảng tơm lam ntŭr neh. Tâm nchră geh nkô̆ "Yor ma nău rhơn mƀak bah ƀon lan, nău dơn kan bah Đảng tơm”, geh nău tât râng bah nklăp 10 rbăn nuĭh ntơh măt tât bah 500 Đảng tơm n'hanh mpôl kan lam ntŭr neh.

Nău Trung Quốc jă Tổng Bí thư Nguyễn Phú Trọng râng n'hanh lah ta rơh tâm nchră mpơl nău dŭt uănh khlay ntŭk  gŭ kan lam ntŭr neh bah Đảng n'hanh Ngih dak he, tâm boh Việt Nam – Trung. Lơn lah, nău Tổng Bí thư Nguyễn Phú Trọng râng n'hanh geh nău lah ta rnôk tâm nchră lah rjăp ta rnoh dŭt têh nău uănh khlay bah Đảng he Đảng Cộng sản Trung Quốc, tâm boh bar Đảng, bar dak Việt Nam – Trung Quốc; mpơl Đảng Cộng sản Việt Nam way uănh khlay nău kan tâm boh nsing kalơ neh nău tâm ban, uănh khlay nsum, ndrel đah ăp đảng tơm, ăp dak rgop uĕh an ăp nău kan nsum bah lam ntŭr neh./.

Nuĭh rblang: Điểu Thân