VOV4.M’nông: Ôi ntri 28/6, lôch ƀư nău way wơt ngăn, ta Nhih pah kan Trung ương Đảng, Tổng Bí thư Nguyễn Phú Trọng hŏ rgum nchră đah Tổng Bí thư, Kruanh dak Lào Thongloun Sisoulith. Tâm nău nsing nơm, tâm rnglăp mha êng, bar ding tâm mbơh nsum mpeh nô nău ta ăp Đảng, ăp dak; tâm ôp mpeh trong rƀŏng, trong nkra mô rlu hun hao tâm boh đah bar Đảng, bar dak tâm ban kơt ăp nkô̆ nău dak bah dih n'hanh nkual ndrel uănh khlay đŏng.

Hăn khâl bah mpôl ntơh măt gưl têh Đảng, Ngih dak Lào tŏng đah nău mpŏng kâp bah nuĭh ƀon lan bar ding gay tâm ôp tay nău tă ơm gĭt kan tâm hun hao, ăp trong nkra ntrŭt ntrôl tĭng ƀư geh nău tam ăp nău tâm ton gưl têh bar Đảng, bar dak tâm năm aơ n'hanh ăp năm bah kơi nê. Lôch nê lah rjăp nău tâm rnglăp krêp dêh, nsing nơm, du nuih n'hâm, năp kơi tâm ban ngoăy bah Đảng n'hanh Ngih dak ƀon lan 2 dak gay ndrel tâm rgâl ăp nău tă ơm gĭt kan tâm hun hao, ăp trong nkra ntrŭt ntrôl tĭng ƀư geh nău tam ăp nău tâm ton gưl têh 2 Đảng, bar dak./.

Nuĭh rblang: Điểu Thân