VOV4.Mnông – Ta Ngih pah kan Trung ương Đảng, Tổng Bí thư Nguyễn Phú Trọng lĕ geh nar wơt wa Ngụy Phượng Hòa, Ủy viên Quốc vụ, Kruanh n’gâng kan mât njrăng bri dak Trung Quốc hăn khâl Việt Nam n’hanh râng tâm nđŭr dăch dêh mât njrăng bri dak n’har bri Việt Nam-Trung Quốc rơh tal 6. Ta nar wơt, Tổng Bí thư Nguyễn Phú Trọng mbah rhơn lôch uĕh bah tâm nđŭr dăch dêh mât njrăng bri dak n’har bri Việt Nam-Trung Quốc rơh tal 6 n’hanh Tâm nchră trong kan mât njrăng bri dak gưl Groi kruanh rơh tal 7 đah N’gâng kan mât njrăng bri dak 2 dak. Tổng Bí thư Nguyễn Phú Trọng mbah rhơn Trung Quốc mhe ƀư lôch uĕh rơh ƀŭn tal 4 Lưỡng hội khóa 13, tă bah dăp rgum 5 năm tal 14; Tổng Bí thư mĭn lah nău khlay bah Đảng, Ngih dak n’hanh nuĭh ƀon lan Việt Nam đah tâm boh kan ndrel lĕ rngôch Việt Nam-Trung Quốc, nău tâm kơl tâm lịch sử bah Đảng, Ngih dak n’hanh nuĭh ƀon lan 2 dak; mpŏng ŭch 2 Đảng, 2 dak mbra nsrôih gay mât đăp mpăn, kan ndrel tĭng nău tâm ryơk uĕh ndrel, tâm boh dăch deh yor nău uĕh nsum lah đăp mpăn, tâm rnglăp, kan ndrel tâm nkual n’hanh lam ntŭr neh.

Nuĭh rblang: Y Sưng Phê Ja