VOV4.M’nông: Ôi 17/6, ta Nhih pah kan Bộ Quốc phòng, Quân uỷ Trung ương năm kan 2020-2025 ƀư tâm nchră lor bôk năp ta nâm nău ƀư tơm bah Tổng Bí thư Nguyễn Phú Trọng, Bí thư Quân uỷ Trung ương mbơh si ƀŭt n'glêh an bah Bộ Chính trị nchŏng đă ăp nuĭh râng Quân uỷ Trung ương, Thường vụ Quân uỷ Trung ương năm kan  2020-2025, uănh an nău mbơh lôch jêh rđău kan, nchŏng đă tĭng ƀư nău kan tahen njrăng n'gang neh dak 6 khay aơ, ntrŏng năl nău nchrăp kan let năp tay. Ndrel râng geh Kruanh dak Nguyễn Xuân Phúc, Thủ tướng Chính phủ Phạm Minh Chính, Rnâng kan Ban Bí thư Võ Văn Thưởng, Thượng tướng Phan Văn Giang, Bộ trưởng Bộ Quốc phòng, ndrel ăp nuĭh Uỷ viên Bộ Chính trị, Bí thư Trung ương Đảng, kruanh rđău kan du đêt Bộ, n'gâng kan Trung ương. Lah ta rơh tâm nchră, Tổng Bí thư Nguyễn Phú Trọng dăn đă, Quân uỷ Trung ương tâm năm kan mhe ân gĭt êng jru hvi mpeh nău dơn kan khlay bah he, mât nâp tay, mô rgâl, tâm rnglăp, tâm ban ŭch âk, mât nâp nău way, geh trong rđău kan khoa học, geh nău tâm ban, rdâk njêng tahen du nuih n'hâm tĭng đah neh dak, đah Đảng, Ngih dak n'hanh ƀon lan, lơn lah, rdâk njêng Đảng bộ Quân đội kloh uĕh nâp dăng, ntĭt leo ntoh lư n'hanh rđău đă lam tahen tĭng ƀư geh nău dơi ăp nău kan dơi jao gay ƀư uĕh tay rup gui tahen Wa Hồ./.

Nuĭh rblang: Điểu Thân