VOV4.Mnông: Nar 5/12, Tổng thống Bồ Đào Nha lĕ geh nău mbơh nchrai nău kan Quốc hội, njoat hăn nglâ̆ dŭt ê lor geh rơh săch kruanh lĕ rngôch ơm, nchrăp mbra geh ƀư ta nar 30/1/2022 atay. Ta năp nĕ, Tổng thống Bồ Đào Nha lĕ geh nău mbơh nchrai nău kan Quốc hội n’hanh mbơh nchrăp nar leo ƀư săch kruanh lĕ rngôch, lôch rơh bôk năp tâm 45 năm ba năp Quốc hội dak aơ mô geh mbơh nău nchrăp tơm prăk ngih dak năm 2022. Tĭng Hiến pháp Bồ Đào Nha, ăp rơh săch kruanh ơm an geh ƀư tâm 60 nar kơp bâh nar nchrai quốc hội. ăp nău tât ta ntŭk kan Bồ Đào Nha mhe nơh lĕ bah lôch 6 năm đăp mpăn kơp bâh ntơm Thủ tướng Antonio Costa ntơm leo kan chính phủ.

Nuĭh rblang: Thị Đoắt