VOV4.M’nông: Tổng thống Hàn Quốc Mun Chê-in hŏ njoăl săm ƀŭt ân rđau kan Triều Tiên Kim Châng ưn bah rơh tâm mâp gưl prêh bah păng đah Tổng thống Mỹ Je biden tâm khay 5 mhe rlau. Tĭng nau nkoch bah Hàn Quốc, Tổng thống Mun Chê-in uănh nau tâm mâp đah Tổng thống Je Biden lah nau gay ƀư rêh tay ăp nau tâm nchră dôl geh nkol đah Triều Tiên, nkre đă Washington rklaih nau kan du trong ueh ngăn. Păng hŏ njoăl săm ƀŭt ân wa Kim Jong ưn gay tâm uănh ăp nau kan ƀư dơi jêng du rơh rƀŭn gưl prêh Triều Tiên, geh n’ăp ma trực tuyến lah geh nau dơi kơt nau đă tâm bôk năm aơ. Yơn lah, nau nê mô geh saơ nau dun bah Triều Tiên, tâm rnôk ntŭk kan bah Tổng thống Mun Chê-in kŏ mô ndơn mbơh nau./.

Nŭih rblang: H’Thi