VOV4. M’nông: Tĭng nău lư bah nhih pah kan Tổng thống Hàn Quốc nar 17/3, Tổng thống Moon Jae-in geh rơh mâp Ngoại trưởng n’hanh Bộ trưởng Quốc phòng Mỹ ta Seoul tâm pơh dja. Tĭng nău mbơh, Tổng thống Moon Jae-in mbra wơt Ngoại trưởng Mỹ Antony Blinken n’hanh Bộ trưởng Quốc phòng Lloyd Austin ta văn phòng bah păng tâm nar aơ 18/3 (mông ta ntŭk), ntơm nău kan tâm boh dak bah dih mâp na nê̆ lor bôk năp bah wa Moon geh nău tât râng bah ăp kruanh chính phủ dâk bôk năp bah Mỹ ta nâm rơh n’gâng kan Tổng thống Joe Biden. Rlău ma nê, nuĭh ntơh ngơi Kang Min-seok mpeh nhih pah kan Tổng thống Hàn Quốc lah đah ăp phóng viên lah Nuĭh tă ơm gĭt nsŏng kơl rnă njrăng neh dak Hàn Quốc Suh Hoon mbra ƀư ăp rơh mâp êng đah bar kruanh têh Mỹ gay tâm nchră mpeh tâm boh băl mpôl Hàn Quốc-Mỹ, nkô̆ nău gôl dak Triều Tiên tâm ban kơt ăp nkô̆ nău lam ntŭr neh n’hanh tâm nkual êng ƀă ƀă đŏng./.

Nuĭh rblang: Điểu Thân