VOV4.Mnông – Kêng măng 19/5-mông ta ntŭk, Tổng thống Hàn Quốc Moon Jae-in lĕ hăn trong tât Mỹ râng rƀŭn nchră gưl prêh bôk năp đah Tổng thống Mỹ Joe Biden. Tổng thống Moon Jae-in khâl na nê̆ Washington tâm 4 nar bah 19-22/5. Wa Moon Jae-in lah nuĭh kruanh tal 2 ma Tổng thống Joe Biden rgum nchră na nê̆ bah kơi Thủ tướng Nhật Ban Suga Yoshihide. Aơ lah rơh khâl dak bah dih bôk năp bah Tổng thống Moon Jae-in kơp bah jêh khâl Trung Quốc râng rƀŭn nchră gưl prêh Hàn-Trung-Nhật rnôk khay 12/2019. Rƀŭn nchră gưl prêh Hàn-Mỹ mbra ƀư ta êp ôi nar 22/5 (mông Hàn Quốc). Bôk năp, 2 nuĭh kruanh mbra rgum nchră êng knŭng geh nuĭh rblang nău ngơi, jêh nĕ lah Rbŭn nchră gưl prêh pơk hvi geh tât râng bah nuĭh ntơp kơl nău kan 2 ding. Jêh rgum nchră mbra dơi mbơh tâm nar rƀŭn mbơh nsum.

Nuĭh rblang: Y Sưng Phê Ja