VOV4.M'nông: Nar 03/01, Tổng thống Hàn Quốc Moon Jae-in mbơh mbra dŏng ăp khay kêng dŭt năm kan  gay ntrŭt ntrôl đăt ndal tâm boh đah Triều Tiên, bol ma nău Bình Nhưỡng hôm hŏ plơng ơh tay ta năp ăp nău dăn đă bah păng mpeh trong kan mât đăp mpăn đah 2 ding. Tâm nău lah lor rnôk năm kan 5 năm bah păng dŭt jêh tâm khay 5 năm 2022, Thủ tướng Hàn Quốc lah rjăp Chính phủ dak dja mbra tĭng trong kan tâm boh uĕh lăng bar ding n'hanh mbra mô rlơ̆ tay trong nchrăp kan an tât rnôk geh nău dơi n'glĕ dŭt. Wa Moon Jae-in ndơ̆ luh nău mpŏng nsrôih tâm dâl nău tay tâm n'gâng kan Hàn Quốc let năp tay. Tổng thống Hàn Quốc aƀaơ dôl ntrŭt ntrôl "mbơh dŭt bah tâm lơh tâm su” Triều Tiên kơt du trong gay ntơm ăp rơh tâm nchră geh mbrơi nkai. Yơn lah, Triều Tiên hŏ mô mbơh plơng ơh tay mpeh nău kan mhe dja./.

Nuĭh rblang: Điểu Thân