VOV4.M’nông: Tổng thống Israel Reuven Rivlin mhe tât khâl Mỹ n'hanh geh rơh mâp đah Tổng thống dak tơm jay Joe Biden. Ta rơh mâp, rlău ma nău ntrŭt ntrôl tâm boh dak băl mpôl, Tổng thống Mỹ lah rjăp tay đŏng ăp nău tâm ton "sôt hơr" mô an Iran - bu rkeh tâm nkual bah Israel, dơi geh ndrak nsiu hạt nhân. Rơh mâp đah 2 Tổng thống Mỹ n'hanh Israel lah rơh mâp gưl têh đah 2 dak kơp ntơm bah rnôk wa Biden hao mât bôk kan. Tổng thống Mỹ mbơh mhe ndơ̆ luh nău ntrŭnh an tahen Mỹ ta Trung Đông hăn ƀư ăp rơh ntŭp lơh leng tâm ăp mpôl tahen dân quân Syri, Iraq tă bah Iran dâk kơl bah kơi, ăp mpôl tahen dja ân dơn nău tih mpeh ăp rơh rdôl lơh mhe aơ tâm nuĭh Mỹ ta Iraq. Tổng thống Israel lah rjăp, mbra ndrel đah dak băl Mỹ n'hanh ăp dak êng ƀa ƀă nkra ăp nău ntul rlong ta nkual Trung Đông.

Nuĭh rblang: Điểu Thân