VOV4.M’nông: Tổng thống Mỹ Joe Biden mhe geh nau ntoh nau ngơi di nkah 20 năm nau rdôl lơh lơ 11/9/2001 rƀŏng tâm ngih prêh dăp tâm Ntŭk ƀư nau kan tăch rgâl bah lam ntur neh ta New Yook ndrel N’gâng an neh dak Mỹ ƀư ma rbăn nŭih khĭt. Rơh rdôl lơh hŏ ƀư rgâl ngăn nau mĭn mô êng knŭng dak Mỹ ma n’ăp tâm lam ntur neh. Tĭng rđau kan Mỹ, nau rdôl lơh mô knŭng saơ n’hâm dăng bah chủ nghĩa janh dăng, ma hôm lah nau tâm rnglăp ndrel nau nâp janh. Nau rdôl lơh hŏ lơi ân ba kơi ăp nau ji mô dơi bah. Yơn lah kŏ tâm nrôk mâp nau jêr kơt nê, hôm saơ ơm trong ang, nê lah n’hâm dăng bah kon nŭih bah năp nau tât. Tổng thống Mỹ Joe Biden kuăl jă ƀon lan Mỹ ndrel nŭih ƀon lan lam ntur neh tâm rnglăp, ndrel ndâk ndrel rdâng đah ăp nau ntul rlong./.

Nŭih rblang: H’Thi