VOV4.M’nông – Văn phòng Mỹ mhe mbơh Tổng thống Mỹ Joe Biden mbra ntoh ngơi sŏng dăng ta Đại hội đồng Liên Hợp quốc tâm nar bar pơh bah kơi. Aơ mbra lah rơh bôk năp Tổng thống Mỹ ntoh ngơi ta Đại hội đồng Liên hợp quốc, nău khlay ăp năm đah tât râng bah âk kruanh têh lam ntŭr neh. Tổng thống Biden râng mbra njuăl nău mbơh ma pơng tă ndơ̆ rnôk bôk năm kan nĕ lah “Dak Mỹ lĕ plơ̆ tay” ta ntŭk rgum lam ntŭr neh. Đại hội đồng Liên hợp quốc lah nău khlay ăp năm đah tât râng bah ăp kruanh tâm 193 dak kan ndrel. Nău khlay aơ năm e lĕ an ƀư pơk sŏng dăng yor srê Covid-19. Năm aơ, rơh rƀŭn Đại hội đồng mbra ƀư pơk sŏng dăng yơn kơt dŏng âk nău n’hŭch n’hanh nău ntrŭnh đă wăn bok put mbung n’hanh an chuh njrăng n’gang Covid-19.

Nŭih rblang: Y Sưng Phê Ja