VOV4.M'nông: Tổng thống Mỹ Joe Biden hŏ hăn tât châu Âu gay râng tâm nchră gưl têh G20 ta I-ta-lia n'hanh Tâm nchră Liên hợp quốc mpeh rgâl duh nđik trôk nar ta Xcốt-len. Aơ lah hăn khâl jong nar dak bah dih tâl bar bah Tổng thống Biden kơp ntơm bah rnôk dơn nău kan. Rlău ma râng tâm nchră gưl têh G20 n'hanh tâm nchră Liên hợp quốc mpeh rgâl duh nđik trôk nar, Tổng thống Biden mâp Tổng thống Pháp n'hanh Tổng thống Thổ Nhĩ Kỳ bah meng ăp nar kan bah lơ nê. Tâm nar 29/10, Tổng thống Biden n'hanh Tổng thống Pháp Emmanuel Macron hŏ tâm ôp, nkoch tât du đêt nkô̆ nău lĕ ma rdâng lơh mpôl lơh ndjơh ta Trung Đông, tâm rlong đah Trung Quốc, wăng sa, tăch rgâl n'hanh công nghệ. Tổng thống Biden nchrăp geh rơh mâp đah Tổng thống Thổ Nhĩ Kỳ Tayyip Erdogan n'hanh nkô̆ tâm nchră mbra lĕ ma nău tâm ton rvăt ndeh păr tâm lơh F-16 ma Washington hŏ an rlu ntơm nơh./.

Nuĭh rblang: Điểu Thân